• اکتوبر 30, 2020

اے پی سی ٹیں ٹیں فِش ہے، فضل الرحمان کی سیاست گفتاً برخاستً سے زیادہ نہیں ہوگی۔شیخ رشید

لاہور:شیخ رشید نے کہا ہے کہ مسلم لیگ ن کی سیاست ان کے گھر میں قید ہوگئی، پتھراؤ والی پارٹی بات چیت والی پارٹی کیساتھ چلنے کیلئے تیار نہیں، اے پی سی ٹیں ٹیں فِش ہے، فضل الرحمان کی سیاست گفتاً برخاستً سے زیادہ نہیں ہوگی۔ وفاقی وزیر ریلوے شیخ رشید نے نیوز کانفرنس کرتے ہوئے کہا نواز شریف کو واپس لانے کی کوشش کی جائے گی، نواز شریف واپس آجاتے ہیں تو ان کی سیاست بہتر ہوسکتی ہے، ، پیپلز پارٹی اور (ن) لیگ اسمبلیوں سے استعفیٰ نہیں دیں گے، عمران خان کو کوئی خطرہ نہیں، 5 سال پورے کریں گے، اپوزیشن جیسا طرز عمل اختیار کرے گی ہم بھی ویسا ہی طرز عمل اختیار کریں گے۔ شیخ رشید کا کہنا تھا آج کا دن پاکستانی سیاست میں تبدیلی لاسکتا ہے، وزیراعظم کے دورہ کراچی سے بڑی تبدیلی آسکتی ہے، پیپلز پارٹی، سندھ حکومت اور وفاق کراچی کے عوام کو مشکلات سے نکال دیتے ہیں تو اس سے بہتر کیا ہوگا۔ انہوں نے کہا شہباز شریف نے ہمیشہ نواز شریف کیلئے سہولتیں پیدا کیں، نواز شریف اور آصف زرداری کی سیاست کی کوئی گنجائش نہیں، یہ اب دھرنا نہیں دے سکتے، جلسہ جلسہ جلوس جلوس کیمروں کی رونق ہے، عمران خان موجودہ سیاسی صورتحال میں فِٹ آدمی ہے۔ وفاقی وزیر ریلوے نے مزید کہا کہ سٹاک ایکسچینج ایک تھرما میٹر ہوتا ہے جس سے اندازہ لگایا جاتا ہے لوگوں کی کیا صورتحال ہے۔

0 Reviews

Write a Review

Read Previous

عمران خان کراچی کو مافیا سے نجات دلانے جارہے ہیں،شہباز گل

Read Next

اسلام آباد کے ڈومیسائل رکھنے والوں کیلئے وفاقی اداروں میں ملازمت کا 50 فیصد کوٹہ منظور

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے