• اپریل 18, 2021

ایک ہفتے کے دوران 26 اشیائے ضروریہ مہنگی ہوئیں، ادارہ شماریات

اسلام آباد: ادارہ شماریات کے مطابق ایک ہفتے کے دوران 26 اشیائے ضروریہ مہنگی ہو گئیں۔

ادارہ شماریات کی جانب سے مہنگائی سے متعلق ہفتہ وار رپورٹ جاری کر دی گئی۔ جس کے مطابق منہگائی کی ہفتہ وار شرح 13.48 فیصد پر آگئی جبکہ 7 اشیا کی قیمتوں میں کمی اور 18اشیا کی قیمتوں میں استحکام رہا۔

رپورٹ کے مطابق حالیہ ہفتے منہگائی کی شرح میں 0.57 فیصد کمی ہوئی۔ انڈے 16 روپے 38 پیسے فی درجن مہنگے ہوئے اور چینی کی اوسط فی کلو قیمت میں ایک روپے 68 پیسے کا اضافہ ہوا جس کے بعد چینی کی اوسط فی کلو قیمت 98 روپے 36 پیسے پر پہنچ گئی۔

ٹماٹر کی فی کلو قیمت میں 2 روپے 6 پیسے اضافہ ہوا جبکہ حالیہ ہفتے آلو کی فی کلو قیمت 89 پیسے بڑھ گئی۔

تازہ دودھ کی قیمت میں فی کلو ایک روپے 45 پیسے، دہی ایک روپے 37 پیسے فی کلو مہنگا ہوا اور آٹے کا 20 کلو کا تھیلا 9 روپے 76 پیسے مہنگا ہوا۔

دال ماش کی فی کلو قیمت میں 2 روپے اضافہ ریکارڈ کیا گیا اور دال چنا 74 پیسے فی کلو مہنگی ہوئی۔ اسی طرح گھی، مٹن اور بیف کی قیمتوں میں بھی اضافہ ہوا۔

0 Reviews

Write a Review

Read Previous

کورونا وباء، پاکستان میں مزید 46 اموات

Read Next

سونے کی فی تولہ قیمت میں 2250 روپے کی کمی

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے