• ستمبر 27, 2022

ایپل استعمال کرنیوالوں کیلئے بری خبر، کمپنی کا اشتہارات دکھانے کا فیصلہ

کیلیفورنیا: ایپل نے اپنے آئی فون کی فرسٹ پارٹی ایپس میں آمدنی کے اضافے کے لیے اشتہارات کی بھرمار کرنے کا فیصلہ کر لیا۔

رپورٹ کے مطابق اس وقت کمپنی اشتہارات کی مد میں سالانہ 4 ارب ڈالرز کما رہی ہے لیکن کمپنی کی خواہش ہے کہ اس اکیلے ہندسے کو دو ہندسوں تک بڑھا دیا جائے۔

ایپل کمپنی پہلے ہی ایپل نیوز اور سٹاکس جیسی کچھ ایپس میں اشتہارات دکھا رہی ہے، اس نے حال ہی میں ایپ سٹور میں اشتہارات میں اضافے کا اعلان بھی کیا تھا۔

خبر رساں ادارے کی رپورٹ میں بتایا گیا کہ کمپنی ایپل میپس جیسی ایپس میں اشتہارات کے اضافے کی راہیں تلاش کر رہی ہے، رپورٹ کے مطابق ایپل کی جانب سے پوڈ کاسٹس اور کتابوں کے سٹورز میں بھی اشتہارات کے اضافے کا امکان ہے۔

ایپل ان کمپنیوں کو نشانہ بنا رہی ہے جو آئی فون صارفین کو اشتہارات دکھاتے ہیں۔

گزشہ برس ایپل نے آئی فونز کے لیے ایک اپ ڈیٹ جاری کی تھی جس میں ایک نیا پوپ اپ شامل کیا گیا تھا جو صارفین سے پوچھتا تھا کہ آیا ان کی اجازت ہے کہ ان کے فون میں موجود ایپس ان کو اشتہارات دِکھائیں۔

0 Reviews

Write a Review

Read Previous

عمران خان نااہلی ریفرنس،الیکشن کمیشن کا پی ٹی آئی کو دستاویزات فراہم کرنے کا حکم

Read Next

سوشل میڈیا پر اداکارہ سجل علی کی ہمشکل کے چرچے

Leave a Reply

آپ کا ای میل ایڈریس شائع نہیں کیا جائے گا۔