• دسمبر 7, 2021

این اے 133 میں ضمنی انتخاب: رینجرز اور پولیس تعینات کرنے کی منظوری

لاہور: الیکشن کمیشن پنجاب کی درخواست پر محکمہ داخلہ نے حلقہ این اے 133 میں ضمنی انتخاب کیلئے رینجرز اور پولیس تعینات کرنے کی منظوری دے دی۔ الیکشن کمیشن کی جانب سے محکمہ داخلہ پنجاب کو رینجرز کی تعیناتی کیلئے درخواست بھجوائی گئی تھی۔

 الیکشن کمیشن کی جانب سے پولنگ سکیم کو فائنل کرلیا گیا۔ الیکشن کمیشن پنجاب کے مطابق 199 پولنگ اسٹیشن حساس ہیں۔ ذرائع کے مطابق رینجرز کی جانب سے الیکشن میں امن و امان کی صورتحال کو کنٹرول کیا جائے گا۔ الیکشن کے دوران پولیس اور رینجرز کو پولنگ اسٹیشن پر تعینات کیا جائے گا۔ پولنگ اسٹیشن میں سی سی ٹی وی کیمرے لگائے جائیں گے۔

این اے 133 میں ووٹرز کی تعداد 4 لاکھ 40 ہزار 485 ہے۔ ان میں مرد ووٹرز کی تعداد 2 لاکھ 33 ہزار 558 ہے۔ خواتین ووٹرز کی تعداد 2 لاکھ 6 ہزار 927 ہے۔ پولنگ اسٹیشن کی مجموعی تعداد 254 ہے، جن میں سے 100 مردوں اور 100خواتین کے ہیں۔ 54 پولنگ اسٹیشن خواتین اور مردوں کے مشترکہ ہیں

0 Reviews

Write a Review

Read Previous

پی ٹی اے نے موبائل فون پر فی منٹ کال سستی کردی

Read Next

چیئرمین جوائنٹ چیفس آف اسٹاف کمیٹی جنرل ندیم رضا کا بحرین کا دورہ

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے