• جون 14, 2021

ایلون مسک کو ہیکرز کی دھمکی

ایک ٹویٹ سے ڈیجیٹل کرنسی کے شئیرزاٹھانے اور گرانے والے ایلون مسک کو اب ہیکرز کا سامنا کرنا ہوگا۔

ہیکرز کے گروپ اینانیمس نے اپنے پیغام میں اسپیس ایکس کے بانی کی کرپٹو کرنسی پر اجارا داری کو عام شہریوں کی تضحیک کے مترادف قرار دیا ہے۔

ہیکرز نے ایلون مسک کے اداروں کو نشانہ بنانے کی دھمکی دیتے ہوئے کہا کہ آپ پچھلے کئی سالوں سے ارب پتی طبقے میں پسندیدہ ساکھ سے لطف اندوز ہورہے ہیں، کیونکہ ہم میں سے بہت سے لوگ الیکٹرک کاروں اور خلا کی جستجو رکھتے ہیں۔ جس کا فائدہ آپ نے اٹھایا۔ لیکن اب آپ میں ایسا امیر انسان دکھ رہا ہے جو توجہ حاصل کرنے کے لیے کچھ بھی کر سکتا ہے۔

ہیکر کا یہ بھی کہنا تھا کہ لاکھوں افراد اپنی زندگی کو بہتر بنانے کے لیے کرپٹو میں سرمایہ کاری کرکے رسک لے رہے ہیں، لیکن آپ کی ٹویٹ ان افرد کے لیے توہین آمیز ہوتی ہیں۔

جس کے بعد اینانیمس گروپ نے ایلون مسک کو چیلنج کرتے ہوئے کہا کہ آپ کو لگتا ہے اس کھیل میں آپ ہی سب سے زیادہ سمارٹ ہیں لیکن اب آپ کو ہمارا سامنا کرنا ہوگا۔

ہیکرز کے پیغام کے 20 منٹ بعد ہی ایلون مسک نے ٹوئیٹ میں کہا کہ “جس سے نفرت ہے اسے ختم کرنے کی بجائے جس سے محبت ہے اسے بچانے کی کوشش کرو”.

گزشتہ ماہ سےایلون مسک کی ایک ٹویٹ سے بٹ کوائن کے شئیرزاوپرنیچے ہورہے ہیں، ٹیسلا کے بانی نے اشارہ دیا تھا کہ ان کی کمپنی تمام بٹ کوائنز فروخت کر سکتی ہے، جس کے بعد بٹ کوائن دس فیصد نیچے آگیا، اس وقت ایک بٹ کوائن سات فیصد مزید کمی کے بعد 55 لاکھ روپوں کا ہے۔

0 Reviews

Write a Review

Read Previous

موجودہ حکومت کا تیسرا سال بھی مہنگائی کے لحاظ سے عوام پر بھاری رہا

Read Next

ایشیا کی بہترین جامعات میں 16پاکستانی یونیورسٹیزبھی شامل

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے