• اکتوبر 26, 2021

ایف آئی اے متحرک، 163 ملین ڈالر خریدنے والوں کا سراغ لگا لیا

لاہور: وفاقی تحقیقاتی ادارے (ایف آئی اے) نے سٹرکچر طریقے سے 163 ملین ڈالر خریدنے والوں کا سراغ لگا لیا۔

ڈالر کی اونچی اڑان روکنےکیلئے ایف آئی اےمتحرک ہوگیا ، حوالہ ہنڈی کا کاروبار کرنے والے بھی ایف آئی اے کے ریڈار پرآ گئے، سٹرکچر طریقے سے ڈالر خریدنے والوں کے خلاف شکنجہ تیار کرلیا گیا۔

ذرائع کا کہنا ہے کہ ایف آئی اے ملک بھر میں امریکی ڈالر کی قیمت بڑھنے کے بعد متحرک ہوا ہے، اس نے سٹرکچر طریقے سے 163 ملین ڈالر خریدنے والوں کاسراغ لگالیا، ڈالرکی ترسیل کو دانستہ 35 ہزار ڈالر کم رکھا جاتا ہے تاکہ اسٹیٹ بینک کو پتہ نہ چل سکے۔

ذرائع ایف آئی اے کا کہنا ہے کہ 35 ہزار ڈالر سے کم مقدار ظاہر کر کے ہزاروں ٹرانزکشنز کی گئیں، چند منی ایکسچینج کمپنیاں منی لانڈرنگ میں ملوث ہیں، صرف 100 افراد کو سٹرکچر طریقے سے 63 ملین ڈالر فروخت کیے گئے۔

ذرائع کے مطابق 500 افراد کو سٹرکچر طریقے سے 100ملین ڈالر سے زائد فروخت کیے گئے، یہ طریقہ کار ڈالر کی منی لانڈرنگ کو خفیہ رکھنے کیلئے استعمال کیا گیا، ایف آئی اے نے ڈالر خرید و فروخت کرنیوالی ڈالر کمپنیوں کے مالکان کو طلب کر لیا۔

0 Reviews

Write a Review

Read Previous

کورونا کا زور ٹوٹنے لگا: 24 گھنٹوں میں 1021 نئے مریض، 21 افراد جان سے گئے

Read Next

وی ٹی فور ٹینک پاک چین دفاعی تعاون کی ایک اور مثال ہے: آرمی چیف

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے