• مئی 25, 2022

اپوزیشن پرفارمنس پر نہیں بلکہ سازشوں پر سیاست کرنا چاہتی ہے: حسان خاور

لاہور: حسان خاور نے کہا ہے کہ اپوزیشن پرفارمنس پر نہیں بلکہ سازشوں پر سیاست کرنا چاہتی ہے، پیپلزپارٹی نے ہمیشہ کراچی کیساتھ سوتیلوں جیسا سلوک کیا۔

ترجمان پنجاب حکومت حسان خاور نے اپنے بیان میں کہا ہے کہ نواز شریف کی طرح ان کے ڈاکٹر بھی سچ بولنے سے قاصر ہیں، ان کی میڈیکل رپورٹس جھوٹ کا پلندہ ہیں، بچہ بچہ جانتا ہے نواز شریف کی بیماری کی حقیقت کیا ہے، عوام اور اشرافیہ کے لیے دو مختلف قانون نہیں ہو سکتے، اس وقت نہ تو نوازشریف واپس آنا چاہتے ہیں تاکہ جیل کا سامنا نہ ہو، اور نہ ہی شہباز شریف ان کو واپس لانا چاہتے ہیں تاکہ وہ خود کھل کے کھیل سکیں لیکن حکومت نواز شریف کو واپس لا کے رہے گی۔

حسان خاور نے کہا کہ پیپلزپارٹی کی حکومت نے ہمیشہ کراچی کیساتھ سوتیلوں والا سلوک کیا، کراچی کی عوام پانی کی بوند بوند کو ترس گئے، پیپلزپارٹی کی نااہل حکومت نے کراچی کو کچرے کا ڈھیر بنا دیا، پیپلزپارٹی بلدیاتی نظام میں بھی کراچی والوں کیساتھ ہاتھ کرگئی، اہل کراچی نے پیپلزپارٹی کو مسترد کر دیا، پیپزپارٹی اندرون سندھ تک سکڑ کر رہ گئی ہے۔

Read Previous

نجی ائیر لائن کی پرواز سے 19 لاکھ کا سونا چوری، تین ملزمان گرفتار

Read Next

شہریوں نے پٹرولیم مصنوعات کی قیمتوں میں اضافہ ظالمانہ اقدام قرار دیدیا

Leave a Reply

آپ کا ای میل ایڈریس شائع نہیں کیا جائے گا۔