• نومبر 25, 2020

اپوزیشن دشمن کے بیانیے کو تقویت دے رہی ہے،شبلی فراز

اسلام آباد: شبلی فراز نے کہا ہے کہ اپوزیشن دشمن کے بیانیے کو تقویت دی رہی ہے، انہوں نے ہماری فتح کو متنازع بنا دیا، نواز شریف کو سیکورٹی دیں گے انہوں نے ہمارے پیسے دینے ہیں۔ سینیٹ اجلاس میں شبلی فراز کی تقریر کے دوران اپوزیشن نے شور شرابہ کیا اور واک آؤٹ کر گئے۔ شبلی فراز نے اظہار خیال کرتے ہوئے کہا ماضی میں اداروں کو تباہ کیا گیا، ہم مضبوط کر رہے ہیں، اپوزیشن میں سچ سننے کی ہمت ہی نہیں، بھارت میں پاکستان مخالف بیانیے کی ترویج ہو رہی ہے، اپوزیشن کے بیانیہ پر دشمن ملک میں کھیلا جا رہا ہے، سب سے اہم ایشو ملک ہے، اس پر بات کرنے دی جائے، ملک کے خلاف بیانیہ چل رہا ہے۔ شبلی فراز کا کہنا تھا سی پیک اتھارٹی کے منصوبے بھرپور طریقے سے چل رہے ہیں، قائمہ کمیٹیوں میں معاملے کی حمایت، ایوان میں مخالفت کرتے ہیں، یہ دشمنوں کو خوش کر رہے ہیں لیکن دوسروں کو ناراض تو نہ کریں، ہم اپوزیشن کو سی پیک کو سبوتاژ کرنے کی اجازت نہیں دیں گے، چین ہمارا دیرینہ دوست ہے، غلط باتیں کرنے سے خارجہ پالیسی سے متعلق غلط پیغام جاتا ہے۔ شہزاد وسیم نے کہا مودی اور اجیت دوول کی زبان بولنے والوں کی زبان نوچ لیں گے، اپوزیشن کا بیانیہ مزار قائد کی بے حرمتی کرتے ہوئے کوئٹہ پہنچا، قومی زبان اور منصوبوں کو متنازعہ بنا رہے ہیں۔

0 Reviews

Write a Review

Read Previous

گستاخانہ خاکوں کا معاملہ: وزیراعظم کا مسلم ممالک کے سربراہان کو خط

Read Next

سی پیک اتھارٹی بل اور آئین میں 26 واں ترمیمی بل قومی اسمبلی میں پیش

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے