• نومبر 27, 2020

‘اپوزیشن آگ سے کھیل رہی ہے، قوم کو تقسیم کرنے کی کوشش کی جا رہی ہے’

لاہور: وزیراعلی عثمان بزدار نے کہا ہے کہ اپوزیشن آگ سے کھیل رہی ہے، قوم کو تقسیم کرنے کی کوشش کی جا رہی ہے۔

جلیل احمد شرقپوری نے وزیراعلیٰ پنجاب کو اپنے حلقے کے مسائل سے آگاہ کیا جس پر عثمان بزدار نے رکن پنجاب اسمبلی کو مسائل حل کرنے کی یقین دہانی کرائی اور کہا آپ قابل احترام ہیں، پنجاب اسمبلی میں آپ سے ناروا سلوک پر دلی دکھ ہوا، سیاست میں شائستگی کا دامن ہاتھ سے نہیں چھوڑنا چاہیے، اپوزیشن اراکین کی جانب سے کی گئی حرکت قابل مذمت اور قابل افسوس ہے، اراکین پنجاب اسمبلی میرے دست و بازو ہیں، انہیں عزت و احترام دیں گے۔

سردار عثمان بزدار نے کہا کہ ماضی کے حکمرانوں نے ون مین شو کے ذریعے تمام اختیارات اپنی ذات تک محدود رکھے، پاکستان کے عوام باشعور ہیں اور کرپٹ عناصر کے جھانسے میں کبھی نہیں آئیں گے۔ جلیل احمد شرقپوری نے وزیراعلی عثمان بزدار پر اعتماد کا اظہار کیا اور کہا کہ آپ شریف النفس وزیراعلیٰ ہیں، آپ نے ہمیشہ عزت دی ہے اور ہماری بات سنی ہے۔

0 Reviews

Write a Review

Read Previous

حمزہ شہباز کو جیل میں گھر کا کھانا اور دیگر سہولیات فراہم کرنیکا حکم

Read Next

لندن جا کر علاج کرانے والوں کو عوامی مسائل کا علم نہیں: وزیراعظم عمران خان

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے