• جون 24, 2021

آن لائن ٹیکسی کا گھر پر کورونا ٹیسٹ کی سہولت دینے کا اعلان

امریکہ میں آن لائن ٹیکسی سروس نے گھر پر کورونا ٹیسٹ کی سہولت فراہم کرنے کا اعلان کر دیا۔

غیر ملکی خبر رساں ایجنسی کے مطابق نجی آن لائن ٹیکسی سروس اوبر نے امریکہ کے 20 سے زائد شہروں میں ایک گھنٹے کے دوران کورونا ٹیسٹ کٹ کی ہوم سہولت فراہم کرنے کا اعلان کر دیا۔

کمپنی کا رائیڈر گھر پر کورونا کٹ کے ساتھ ایک گھنٹے کے دوران پہنچے گا۔

امریکی شہر آسٹن، ڈینور، فورٹ لاؤڈرڈیل، ہیوسٹن، مینی پیولس، فینکس، سیئٹل اور ٹمپا سمیت دیگر شہروں میں لوگ بغیر کسی ڈاکٹری نسخے کے کٹ کے لیے ویب سائٹ پر آرڈر کر سکتے ہیں۔

کمپنی کے مطابق صارفین پیر سے جمعہ کو صبح 8 سے شام 4 بجے تک کٹ گھر پر آرڈر کر سکتے ہیں اور اسی روز ایک گھنٹے کے دوران کٹ انہیں گھر پر فراہم کر دی جائے گی۔

صارف کٹ کی قیمت آن لائن ہی کریڈٹ کارڈ کے ذریعے ادا کر سکیں گے جس کی قیمت 99 ڈالر ہے۔ کٹ کے ساتھ ٹیسٹ کی مکمل ہدایات بھی موجود ہیں۔ ٹیسٹ کے بعد 48 گھنٹے کے درمیان رپورٹ بھی آن لائن حاصل کر سکیں گے۔

0 Reviews

Write a Review

Read Previous

The Ranjha Show | Segment: Pholon ke Roza Kushai | A1 Tv

Read Next

بھارت میں زلزلے کے شدید جھٹکے

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے