• اکتوبر 22, 2021

آزاد کشمیرضمنی الیکشن:غیر حتمی نتیجہ،ایل اے 3میرپور سے پی ٹی آئی کامیاب

مظفر آباد: آزاد کشمیر کے دوحلقوں میں ہونے والے ضمنی الیکشن میں ایل اے 3میرپور سے تمام 147پولنگ سٹیشنز کا غیر حتمی اور غیر سرکاری نتیجہ آگیا ہے جس کے مطابق پاکستان تحریک انصاف کے یاسر سلطان 20ہزار 142ووٹ لے کر کامیاب قرار پائے۔

تفصیلات کے مطابق آزاکشمیر اسمبلی کے دو حلقوں کے ضمنی الیکشن میں ایل اے 3میرپور کے تمام پولنگ کے غیر حتمی اور غیر سرکاری نتیجے کے مطابق پی ٹی آئی کے یاسر سلطان نے میدان مار لیا ہے جبکہ پاکستان مسلم لیگ(ن) کے چودھری سعید 11ہزار 608ووٹ لیکر دوسرے نمبر پر رہے۔

ایل اے 12 چڑھوئی میں ضمنی انتخاب کے دوران پولنگ کا وقت ختم ہونے کے بعد ووٹوں کی گنتی کا عمل جاری ہے۔

ضمنی انتخاب کے دوران تحریک انصاف، ن لیگ اور پیپلز پارٹی کے امیدواران میدان میں تھے۔

اس موقع پر سکیورٹی کے سخت انتظامات کئے گئے ، کسی بھی ناخوش گوار واقعے سے نمٹنے کیلئے 2 ہزارپولیس اہلکارسکیورٹی پرمامور کیا گیا۔

147 پولنگ سٹیشنز میں سے 50 حساس اور 60 انتہائی احساس قرار دیئے گئے ۔ 242 رینجرز، 113 پاک فوج کے جوان کوئیک رسپانس کیلئے الرٹ رہے۔

0 Reviews

Write a Review

Read Previous

کورونا کی چوتھی لہر مزید 28 جانیں لے گئی، 24 گھنٹوں میں 1004 نئے مریض

Read Next

مسلح افواج کی قیادت کا ڈاکٹر عبدالقدیر خان کے انتقال پر اظہار افسوس

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے