• جون 22, 2021

آرمی چیف کی سعودی ولی عہد سے ملاقات: سعودی عرب اور حرمین شریفین کے دفاع کے عزم کا اظہار

پاک فوج ک شعبہ تعلقات عامہ (آئی ایس پی آر) کے ڈائریکٹر جنرل میجر جنرل بابر افتخار کے مطابق آرمی چیف جنرل قمر جاوید باجوہ کی سعودی ولی عہد محمد بن سلمان سے ملاقات ہوئی ہے۔ 

ڈی جی آئی ایس پی آر کے مطابق آرمی چیف کی سعودی نائب وزیر دفاع شہزادہ خالد بن سلمان سے بھی ملاقات ہوئی،  ملاقات میں پاک، سعودی عرب باہمی تعاون میں وسعت دینے پر تبادلہ خیال کیا گیا۔

آئی ایس پی آر کی جانب سے جاری کردہ بیان میں کہا گیا ہے کہ ملاقاتوں میں علاقائی سلامتی اور استحکام کیلئے دوطرفہ تعاون کے فروغ پر اتفاق کیا گیا۔

آئی ایس پی آر کے مطابق ملاقاتوں میں افغان امن عمل اور دوطرفہ دفاعی تعاون کے فروغ پر بھی تبادلہ خیال کیا گیا۔

ملاقات کے دوران آرمی چیف جنرل قمر جاوید باجوہ نے کہا کہ سعودی عرب کی سالمیت اور بقاء کے لیے پاکستان پرعزم ہے، پاکستان سعودی عرب کے دونوں مقدس مقامات کے دفاع کے لیے ہردم تیار ہے۔

اس موقع پر شہزادہ محمد بن سلمان کا کہنا تھا کہ دوطرفہ تعلقات کی بنیاد بھائی چارہ، باہمی اعتماد ہے، مسلم امہ کی بہتری کیلئےدونوں ملک کردارادا کرتے رہیں گے۔

سعودی وزیر دفاع شہزادہ خالد بن سلمان کا جنرل قمر جاوید باجوہ سے ملاقات کے موقع پر کہنا تھا کہ پاکستان کے آرمی چیف کے ساتھ ملاقات انتہائی شاندار رہی، جنرل قمرجاوید باجوہ میرے بھائی ہیں۔

0 Reviews

Write a Review

Read Previous

بشریٰ انصاری کا بہن کی وفات کے بعد جذباتی پیغام

Read Next

دنیا کی سب سے چھوٹی اور طاقتور مائیکرو چیپ تیار

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے