• اپریل 18, 2021

آرمی چیف کا دورہ بحرین، کمانڈر نیشنل گارڈ اور سیکیورٹی ایڈوائزر سے ملاقات

راولپنڈی: آرمی چیف جنرل قمر جاوید باجوہ نے دورہ بحرین کے دوران کمانڈر بحرین نیشنل گارڈ اور سیکیورٹی ایڈوائزر سے ملاقات کی جس میں باہمی دلچسپی کے امور پر گفتگو کی گئی۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے بحرین کی عسکری قیادت کیساتھ ملاقات میں علاقائی سیکیورٹی کی صورتحال پر بھی تبادلہ خیال کیا۔

آرمی چیف نے سیکیورٹی، تربیت اور صلاحیت بڑھانے کیلئے بحرین کی قیادت کو تعاون کی پیشکش کی۔ اس موقع پر وفود کی سطح پر بات چیت میں افغان امن عمل پر بھی غور کیا گیا۔

دونوں ممالک کی قیادت کے درمیان بارڈر سیکیورٹی اور افغان امن عمل میں سہولت سے متعلق امور پر بھی غور آئے

آئی ایس پی آر کے مطابق اس سے قبل آرمی چیف جنرل قمر جاوید باجوہ سے ازبکستان کے وزیر خارجہ عبدالعزیز کاملیوف نے ملاقات کی جس میں افغان امن عمل پر تبادلہ خیال کیا گیا۔

دونوں رہنماؤں کے درمیان ملاقات میں خطے کی سیکورٹی کی صورتحال، باہمی دلچسپی کے امور اور افغان امن عمل پر بھی بات چیت کی گئی۔

آئی ایس پی آر کے مطابق دونوں ممالک میں مختلف شعبوں میں تعاون بڑھانے پر بھی غور کیا گیا۔ دونوں قائدین نے خطے میں امن واستحکام کے لئے باہمی تعلقات مزید فروغ دینے پر اتفاق کیا گیا۔

آئی ایس پی آر کے مطابق ازبک وزیر خارجہ عبدالعزیز کاملیوف نے خطے میں امن واستحکام کے لئے پاکستان کے مثبت کردار کو سراہا۔ ازبک وزیر خارجہ نے دونوں برادر ممالک کے تعلقات کو مزید فروغ دینے کیلئے کوششیں جاری رکھنے کے عزم کا اعادہ کیا۔

0 Reviews

Write a Review

Read Previous

ڈپٹی چیئرمین سینیٹ کیلئے امیدوار کون؟ وزیراعظم سینیٹرز سے مشورہ کریں گے

Read Next

سینٹ انتخابات میں پارٹی پالیسی کی خلاف ورزی:پی ٹی آئی نے2ارکان کو فارغ کردیا

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے