• جون 14, 2021

اونٹوں کیلئے دنیا کا پہلا ٹریفک سگنل نصب

بیجنگ: چین نے اونٹوں کے لیے دنیا کا پہلا ٹریفک سگنل نصب کر دیا۔

غیر ملکی خبر رساں ایجنسی کے مطابق چین نے ڈنہوانگ شہر میں منگشا پہاڑ اور کریسنٹ اسپرنگ کے مقامات پر اونٹوں کو آپس میں ٹکرانے سے بچانے کے لیے ٹریفک لائٹس نصب کیں۔

مذکورہ علاقہ تفریح کے لیے مشہور ہے اور سیاح یہاں اونٹوں پر بہت شوق سے سواری کرتے ہیں۔ ٹریفک سگنل کی تنصیب کا مقصد یہی بتایا گیا ہے کہ تاکہ اونٹوں کے ٹکراؤ سے بچا جا سکے۔

یہ سگنل بھی دوسرے عام ٹریفک سگنلز کی طرح جب سبز ہوں گے تو اونٹ سڑک پار کریں گے اور سرخ ہوں گے تو اونٹ رُک جائیں گے۔

واضح رہے کہ منگشا پہاڑ کو ’گاتے ریت کے ٹیلے‘ بھی کہا جاتا ہے کیوںکہ جب یہاں تیز ہوا چلتی ہے تو ریت کے ٹیلوں سے گانے یا ڈرم بجانے جیسی آوازیں آتی ہیں۔

0 Reviews

Write a Review

Read Previous

جنوبی کوریا نے جدید ترین لڑاکا طیارہ متعارف کرا دیا

Read Next

منی لانڈرنگ ریفرنس، شہباز شریف کے جوڈیشل ریمانڈ میں 4 مئی تک توسیع

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے