• جنوری 27, 2023

انگلش پریمیئر لیگ : مانچسٹر سٹی اور آرسنل اپنے میچز میں کامیاب

لندن : دفاعی چیمپئن مانچسٹر سٹی اور آرسنل نے انگلش پریمیئر لیگ میں اپنے اپنے میچز جیت لئے، مانچسٹر سٹی نے وولور ہیمپٹن وانڈررز اور آرسنل نے مانچسٹر یونائیٹڈ کے خلاف کامیابی سمیٹی۔

اتحاد سٹیڈیم مانچسٹر میں کھیلے گئے لیگ کے اہم میچ میں دفاعی چیمپئن مانچسٹر سٹی نےشاندار کھیل پیش کرتے ہوئے حریف وولور ہیمپٹن وانڈررز کو باآسانی 0-3 گول سے ہرا دیا۔

ایمرٹس سٹیڈیم لندن میں کھیلے گئے میچ میں آرسنل اور مانچسٹر یونائیٹڈ کی ٹیمیں آمنے سامنے تھیں جس میں دلچسپ مقابلے کے بعد آرسنل نے مانچسٹر یونائیٹڈ کو دو کے مقابلے میں تین گول سے ہرا دیا۔

ایڈی نکتیاہ نے دو اور بکائیو ساکا نے ایک گول سکور کر کے اپنی ٹیم آرسنل کی فتح میں کلیدی کردار ادا کیا، مانچسٹر یونائیٹڈ کی طرف سے مارکس راشفورڈ اور لیزانڈرو مارٹینز نے ایک ، ایک گول کیا۔

ان فتوحات کے بعد آرسنل کی ٹیم 50 پوائنٹس کے ساتھ ای پی ایل ٹیبل پر ٹاپ پوزیشن پر بدستور سر فہرست ہے جبکہ دفاعی چیمپئن مانچسٹر سٹی کی ٹیم 45 پوائنٹس کے ساتھ دوسرے نمبر پر برقرار ہے۔

0 Reviews

Write a Review

Read Previous

ہاکی ورلڈ کپ : جرمنی اور جنوبی کوریا کی کوارٹر فائنل میں رسائی

Read Next

آسٹریلین اوپن : آرینا سبالینکا اور کیرولینا کوارٹر فائنل میں داخل

Leave a Reply

آپ کا ای میل ایڈریس شائع نہیں کیا جائے گا۔