• جنوری 19, 2022

انٹرنیٹ کسے کہتے؟ 3 ارب لوگ جانتے ہی نہیں

اقوام متحدہ کی ایک نئی رپورٹ میں بتایا گیا ہے کہ ایک اندازے کے مطابق دنیا کی 37 فیصد آبادی یعنی 2.9 ارب افراد اب بھی آف لائن ہیں جب کہ 2021 میں ریکارڈ 4.9 ارب افراد نے انٹرنیٹ استعمال کیا ہے۔

غیر ملکی خبر رساں ادارے کی رپورٹ کے مطابق معلومات اور مواصلاتی ٹیکنالوجیز کے لیے اقوام متحدہ کے ادارے انٹرنیشنل ٹیلی کمیونیکیشن یونین (آئی ٹی یو) نے انکشاف کیا ہے کہ انٹرنیٹ کے استعمال میں عالمی سطح پربڑا اضافہ ہوا ہے۔

انٹرنیٹ استعمال کرنے والے افراد کی تخمینہ تعداد 2021 میں بڑھ کر 4.9 ارب ہو گئی ہے جو 2019 میں 4.1 ارب تھی۔

رپورٹ میں کہا گیا ہے کہ عالمی وبا کورونا وائرس کے باعث عالمی سطح پر انٹرنیٹ کے استعمال میں اضافہ دیکھا گیا ہے۔ اب تک دنیا کی 63 فیصد آبادی انٹرنیٹ استعمال کر چکی ہے۔

رپورٹ کے مطابق 2.9 ارب میں سے بیشتر آبادی کا تعلق غیر ترقی یافتہ ممالک سے ہے جب کہ 4.9 ارب افراد جو انٹرنیٹ استعمال کر رہے ہیں ان میں سے کروڑوں محدود سطح کا انٹرنیٹ استعمال کرتے ہیں۔

رپورٹ کے مطابق افریقا کی 30 فیصد آبادی انٹرنیٹ سے محروم ہے۔

0 Reviews

Write a Review

Read Previous

ٹوئٹر پر بغیر اجازت کسی کی تصویر اور ویڈیوشیئر کرنے پر پابندی

Read Next

مقبوضہ کشمیر میں بھارتی دہشت گردی جاری ، مزید 2 کشمیری شہید

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے