• جون 24, 2021

‘امتحانات مکمل ہو جائیں، دو ہفتے بعد سکولوں میں گرمیوں کی چھٹیاں دے دیں گے’

لاہور: صوبائی وزیر تعلیم مراد راس نے کہا ہے کہ بچے ایک سال سے چھٹیاں منا رہے ہیں، امتحانات مکمل ہو جائیں، دو ہفتے بعد سکولوں میں گرمیوں کی چھٹیاں دے دیں گے۔

وزیر تعلیم پنجاب مراد راس نے میڈیا سے گفتگو کرتے ہوئے کہا کہ ماضی میں اساتذہ کو تعلیم کے علاوہ ہر مسئلے پر الجھایا گیا تھا ہم اساتذہ کے لئے اہم اقدامات کرنے جا رہے ہیں، ای ٹرانسفر کے ذریعے پچھلے سال 70 ہزار تبادلے کیے، پورٹل سے تبادلوں کیلئے رشوت کا خاتمہ ہوگیا، پہلے رشوت دے کرآرام سے تبادلہ ہو جاتا تھا، اساتذہ کی چھٹیاں بھی ای لیو کے ذریعے کر دی گئیں ہیں، ای ریٹائرمنٹ کے تحت ایپ سے ریٹائرمنٹ کیلئے اپلائی کیا جاسکتا ہے۔

مراد راس کا کہنا تھا کہ اساتذہ کی اے سی آر پر دستخط کیلئے 10 سال لگ جاتے تھے، رشوت کے بغیر اے سی آر پر دستخط نہیں کیے جاتے تھے، اے سی آر کا نظام بھی آن لائن کر دیا ہے، ٹیچرز کی اے سی آر 6 دن میں دستخط کرنا ہوگی۔ انہوں نے کہا کہ تعلیمی معیار جانچنے کیلئے والدین کیلئے بھی ایپ متعارف کرا رہے ہیں، ماں باپ ایپ سے بچے کیلئے قریبی سکول کا انتخاب کرسکیں گے۔

0 Reviews

Write a Review

Read Previous

8487 ارب روپے کا وفاقی بجٹ آج پیش کیا جائے گا، تنخواہوں میں اضافے کا امکان

Read Next

مسئلہ کشمیر اور فلسطین کے حل کے بغیر دنیا میں امن قائم نہیں ہوسکتا: گورنر پنجاب

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے