• ستمبر 20, 2021

افغانستان کے محکمہ اطلاعات کے ڈائریکٹر کابل میں قتل

کابل:  افغان حکومت میں محکمہ اطلاعات کے ڈائریکٹرداوا خان کو کابل میں قتل کردیا گیا۔

کابل میں افغان حکومت کے ڈائریکٹر برائے اطلاعات داوا خان کو اس وقت قتل کردیا گیا جب وہ اپنی گاڑی میں دارلامان روڈ سے گزر رہے تھے۔ داوا خان ٹویٹر پر بھی باقاعدگی سے افغان حکومت کی ترجمانی کر تے تھے

طالبان نے دواخان مینہ پال کے قتل کی ذمہ داری قبول کر لی،

اس سلسلے میں طالبان کے ترجمان ذبیح اللہ مجاہد نے اپنے ٹویٹر اکاؤنٹ پر بتایا کہ کابل شہر میں دارالامان کی سڑک پر دواخان مینہ پال مجاہدین کے ایک خاص حملے میں ہلاک ہو گیا۔

افغان میڈیا کا کہنا ہے کہ دواخان مینہ پال افغان حکومت میڈیا اور انفارمیشن ڈیپارٹمنٹ کے سربراہ تھے۔

واضح رہے کہ دو دن قبل روز افغان طالبان نے واضح کیا تھا کہ وہ افغانستان میں کیا چاہتے ہیں، حکومت میں ’بڑا حصہ‘ یا کچھ اور۔ اس سلسلے میں انھوں نے مستقبل کی حکومت میں ’بڑا حصہ‘ مانگنے کا دعویٰ مسترد کرتے ہوئے کہا تھا کہ یہ زلمے خلیل زاد کا ذاتی خیال ہے۔

طالبان ترجمان ذبیح اللہ مجاہد نے بدھ کو عرب نیوز سے بات کرتے ہوئے بتایا کہ ہم ایک ایسا معاہدہ چاہتے ہیں جو لوگوں کے اسلامی جذبات کے مطابق ہو، ہم طاقت کی اجارہ داری یا اقتدار میں اہم نوع کی شراکت داری نہیں چاہتے۔

0 Reviews

Write a Review

Read Previous

اسد کھوکھر کو صوبائی وزیر بنانے کا فیصلہ، نوٹیفیکیشن جاری

Read Next

شمالی کوریا میں سیلاب سے سیکڑوں گھر ڈوب گئے، ہزاروں افراد کا انخلا

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے