• جون 14, 2021

اسلام آباد کے معمر افراد کیلئے قومی ادارہ صحت کی موبائل کورونا ویکسینیشن مہم

ومی ادارہ صحت (این آئی ایچ) نے اسلام آباد کے معمر افراد کی کورنا ویکسی نیشن کے لیے خصوصی موبائل مہم کا آغاز کیا ہے۔ 

این آئی ایچ کے مطابق اسلام آباد میں معمر افراد کی ویکسی نیشن کے لیے موبائل ٹیمیں متحرک ہیں۔ ٹیمیں اسلام آباد کے دیہی اور شہری علاقوں میں ویکسی نیشن کررہی ہیں۔

قومی ادارہ صحت کی جانب سے کہا گیا ہے کہ 65 سال سے زائد عمر کے تمام افراد کو کورونا ویکسین مفت فراہم کی جارہی ہے، 65 سال سے زائد عمر کے افراد کے لیے مختلف علاقوں میں کیمپس کا انعقاد کیا جا رہا ہے۔

این آئی ایچ کا کہنا ہے کہ 80 سال سے زائد عمر کے افراد کو گھروں میں ویکسین لگائی جارہی ہے۔

این آئی ایچ، ڈبلیو ایچ او، این سی اوسی اور وزارت صحت کے تعاون سے خصوصی مہم جاری ہے، سربراہ این سی او سی اسد عمر نے بھی ویکسی نیشن کیمپ کا دورہ کیا ہے۔

خیال رہے کہ امریکی خبر رساں ادارے بلوم برگ نے پاکستان میں کورونا ویکسین لگنے کی رفتار کو سست ترین قرار دیا ہے۔

بلوم برگ کی  رپورٹ کے مطابق موجودہ رفتار سے ویکسینیشن کرنے پر پاکستان میں 75 فی صد آبادی کو ویکسین لگوانے میں دس سال لگیں گے۔

امریکی خبر رساں ادارے کی رپورٹ میں کہا گیا ہے کہ پاکستان دوسرے ممالک کی نسبت آبادی کو کورونا ویکسین لگانے میں بہت پیچھے ہے۔ اگر ویکسی نیشن کی یہی رفتار رہی تو 75 فیصد آبادی کو ویکسین لگنے میں ایک دہائی لگ جائے گی۔

رپورٹ میں کہا گیا ہے کہ آبادی کے لحاظ سے ملک کے سب سے بڑے صوبے پنجاب میں بھی کورونا ویکسین لگانے کا عمل سست روی کا شکار ہے۔

لاہوربھی اگر ساری آبادی کو کورونا ویکسین لگانے کا حساب لگایا جائے تو اس کی مدت 11 سال سے زائد بنتی ہے۔

0 Reviews

Write a Review

Read Previous

دنیا کا پہلا ٹرانسپلانٹ: زندہ انسانوں کا کورونا کی مریضہ کو پھیپھڑوں کا عطیہ

Read Next

غلطی کا ازالہ: عفت عمر مستحق افراد کو نجی اسپتال سے ویکسین لگوائیں گی

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے