• جون 14, 2021

اداکار سلمان خان یا پرویز قاضی: فلم رادھے میں ایکشن ہیرو کون ؟

ممبئی: فلمی شائقین کو بالی وڈ کے معروف بھائی جان جب پردہ اسکرین پر ایکشن میں دکھائی دیتے ہیں تو وہ واہ واہ کی گردان کرنا شروع کردیتے ہیں لیکن بہت کم لوگوں کو یہ بات معلوم ہوتی ہے کہ اصل میں ایکشن کوئی دوسرا بے نام اداکار کرتا ہے، اپنی جان جوکھوں میں ڈالتا ہے اور تالیاں و داد سلمان خان کے حصے میں آتی ہیں۔

عمر کی 50 سے زائد بہاریں دیکھنے والی بالی وڈ اداکار سلمان خان کی عید الفطر پر ریلیز ہونے والی فلم رادھے میں وہ بھرپورایکشن میں جلوہ گر ہوئے ہیں۔

فلمی ناقدین کے مطابق فلم کو زیادہ پذیرائی تو نہیں ملی ہے لیکن پھر بھی اعداد و شمار کے مطابق ان کے چاہنے والوں نے صرف ایک ہی دن میں فلم کو آن لائن 40 لاکھ مرتبہ ضرور دیکھا ہے۔

دلچسپ امر ہے کہ رادھے کے ساتھ ہی اداکارو ماڈل پرویز قاضی سامنے آئے ہیں جنہوں نے فلم میں اصل ایکشن کیے ہیں۔

پرویز قاضی اپنی جسامت کے اعتبار سے سلمان خان سے بہت زیادہ مشابہت رکھتے ہیں جبھی تو انہیں دبنگ 3، بھارت، ریس 3 ، ٹائیگر زندہ ہے اور پریم رتن دھن پایو میں بھی سلمان خان کی جگہ ایکشن کی ذمہ داریاں سونپی گئی تھیں۔

پرویز قاضی جب ایکشن کرلیتے ہیں تو فلمی تیکنیک کا سہارا لے کر سلمان خان کا چہرہ ان کے اوپر لگا دیا جاتا ہے اور شائقین سمجھتے ہیں کہ ان کا پسندیدہ ہیرو بھرپور ایکشن میں دکھائی دے رہا ہے حالانکہ حقیقت اس کے بالکل برعکس ہوتی ہے۔ یہ طریقہ کار دنیا بھر میں مروج ہے اور ہالی وڈ بھی اس سے مبرا نہیں ہے۔

سماجی رابطوں کی ویب سائٹ ’ٹوئٹر‘ پر پرویز قاضی نے سلمان خان کے ساتھ رادھے فلم کے سیٹ کی تصاویر شیئر کی ہیں جس میں واضح طور پر دیکھا جا سکتا ہے کہ دونوں نے ایک جیسے کپڑے پہن رکھے ہیں۔ پرویز قاضی اس سے قبل بھی اپنی تصاویر شیئر کرتے رہے ہیں۔

0 Reviews

Write a Review

Read Previous

ماہرہ خان نے فلسطین کے حق میں آواز بلند کر دی

Read Next

رنگ روڈ اسکینڈل میں کسی وزیر یا مشیر کے ملوث ہونے کا ثبوت نہیں ملا: فواد

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے