• اکتوبر 22, 2021

اداکارہ آمنہ شیخ ایک بار پھر ماں بن گئیں

اسلام آباد: سابق سپر ماڈل اور اداکارہ آمنہ شیخ ایک بار پھر ماں بن گئیں۔

سابق سپر مادل، اداکارہ و میزبان آمنہ شیخ نے انسٹا گرام پر نوزائیدہ بچے کے ہمراہ اپنے اہل خانہ کی تصویر شیئر کرتے ہوئے خدا کا شکرا ادا کیا اور تصدیق کی کہ ان کے ہاں رواں ماں 3 ستمبر کو دوسرے بچے کی پیدائش ہوئی ہے۔

آمنہ شیخ نے بتایا کہ انہوں نے اپنے بیٹے کا نام عیسیٰ رکھا ہے۔ سوشل میڈیا پر شیئر کردہ تصویر میں دیکھا جا سکتا ہے کہ ان کے شوہر عمر فاروق اور ان کی بڑی بیٹی عیسیٰ کو پیار کر رہے ہیں۔

اداکارہ کی جانب سے بچے کی پیدائش کی تصدیق کیے جانے کے بعد کئی شوبز شخصیات اور مداحوں نے انہیں مبارک باد پیش کی۔

آمنہ شیخ نے گزشتہ سال اگست میں دوسری شادی عمر فاروق سے کی تھی جو ایجوکیشنل ٹیکنالوجی کمپنی کوڈڈ مائینڈ کے چیف ایگزیکٹو افسر (سی ای او) ہیں۔ اداکارہ نے دوسری شادی طلاق کے تقریباً ایک سال بعد کی تھی، ان کی اور اداکار محب مرزا کے درمیان 2019 کے اختتام پر طلاق ہوگئی تھی۔

آمنہ شیخ اور اداکار محب مرزا نے 2005 میں شادی کی تھی اور ان کے ہاں 2015 میں بیٹی کی پیدائش ہوئی تھی، جس کے چند سال بعد ہی جوڑے کے درمیان اختلافات شروع ہو گئے تھے۔

0 Reviews

Write a Review

Read Previous

ہواوے کی آنر کمپنی کو دوبارہ امریکی پابندیوں کا خطرہ

Read Next

نیوزی لینڈ کرکٹ ٹیم کوئی تھریٹ نہیں تھا: وزیر خارجہ شاہ محمود قریشی

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے