• نومبر 1, 2020

آصف زرداری اور نواز شریف کی گاڑیاں قبضے میں لینے کی درخواست ملتوی

احتساب عدالت نے آصف زرداری اور نواز شریف کی توشہ خانہ سے حاصل گاڑیاں قبضے میں لینے کی نیب کی درخواست پر سماعت 17 اگست تک ملتوی کر دی۔

نیب نے توشہ خانہ سے حاصل کی گئی آصف زرداری کی تین گاڑیوں کی ملکیت منجمد کر رکھی ہے جس میں دو بی ایم ڈبلیو اور ایک لیکسز شامل ہے جب کہ نواز شریف کی توشہ خانہ سے لی جانے والی مرسیڈیز گاڑی کی ملکیت منجمد کی گئی ہے۔

نیب نے توشہ خانہ سے حاصل کی گئی گاڑیاں قبضہ میں لینے کے لیے عدالت سے رجوع کر رکھا ہے جس پر عدالت نے نیب کے تفتیشی افسر کو تمام گاڑیوں کا ریکارڈ پیش کرنے کا حکم دیا تھا تاہم احتساب عدالت کے جج اصغر علی کے موسم گرم کی تعطیلات پر ہونے کے باعث سماعت بغیر کارروائی ملتوی کر دی گئی تھی۔

 آصف زرداری اور نواز شریف پر توشہ خانہ سے غیر قانونی طور پر گاڑیاں حاصل کرنے کا الزام ہے اور اس متعلق نیب ریفرنس کی سماعت پہلے ہی 17 اگست کو سماعت کے لیے مقرر ہے۔

عدالت نے سابق صدر آصف زرداری، سابق وزرائے اعظم نواز شریف اور یوسف رضا گیلانی سمیت تمام ملزمان کو فرد جرم عائد کرنے کے لیے طلب کر رکھا ہے۔

توشہ خانہ ریفرنس میں عدالت نے نواز شریف کی مسلسل عدم حاضری پر اشتہاری قرار دینے کی کارروائی شروع کر رکھی ہے جب کہ آصف زرداری کی عدم حاضری پر قابل ضمانت وارنٹ گرفتاری جاری کر رکھا ہے۔

0 Reviews

Write a Review

Read Previous

انڈسٹری میں عمر سے دُگنا طاقتور شخص ہراساں کرتا رہا: عائشہ عمر کا انکشاف

Read Next

Regional News Bulletin |03:00 PM | 05 August | 2020 | A1 Tv |

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے