• نومبر 29, 2021

آئی سی سی نے ٹی ٹوئنٹی ورلڈکپ 2022 کے شیڈول کا اعلان کر دیا

لاہور: آئی سی سی نے ٹی ٹوئنٹی ورلڈکپ 2022 کے شیڈول کا اعلان کر دیا۔ ورلڈ کپ 2021 کی فاتح ٹیم آسٹریلیا ایونٹ کی میزبانی کرے گی۔

آئی سی سی کے مطابق آسٹریلیا کے 7 شہر ٹی ٹوئنٹی ورلڈکپ 2022 کی میزبانی کریں گے۔ میگا ایونٹ کے میچز ایڈلیڈ، برسبن، سڈنی، جیلونگ، ہوبارٹ، میلبرن اور پرتھ میں کھیلے جائیں گے۔ ایونٹ 16 اکتوبر سے 13 نومبر کے درمیان کھیلا جائے گا۔ ٹی ٹوئنٹی ورلڈ کپ میں ٹوٹل 45 میچز شیڈول کیے گئے ہیں۔

ورلڈ کپ کا فائنل 13 نومبر کو میلبرن کرکٹ گراونڈ میں ہوگا۔ سیمی فائنلز 9 اور 10 نومبر کو سڈی اور ایڈلیڈ میں منعقد ہوں گے۔

اس سال ٹی ٹوئنٹی ورلڈکپ کا سپر 12 مرحلہ کھیلنے والی 12 ٹیموں میں سے 8 ٹیمیں آئندہ سال ہونے والے ورلڈکپ کے سپر 12 مرحلے کے لیے کوالیفائی کرچکی ہیں اور انہیں اس مرحلے میں داخلے کے لیے کوالیفائنگ راؤنڈ نہیں کھیلنا پڑے گا۔ ان ٹیموں میں میزبان آسٹریلیا، انگلینڈ، بھارت، پاکستان، نیوزی لینڈ، جنوبی افریقا، افغانستان اور بنگلادیش شامل ہیں۔

آئندہ سال ہونے والے ٹی ٹوئنٹی ورلڈکپ میں ویسٹ انڈیز اور سری لنکا کو 2021 کا سپر 12 مرحلہ کھیلنے والی دیگر 2 ٹیموں اسکاٹ لینڈ اور نمیبیا کے ساتھ راؤنڈ ون مرحلہ کھیلنا ہوگا جس میں کامیابی کے بعد ہی وہ سپر 12 مرحلے کے لیے کوالیفائی کرسکیں گی۔

کوالیفائنگ راونڈ کے لیے باقی چار ٹیموں کا انتخاب کوالیفائنگ پاتھ وے کے ذریعے کیا جائے گا۔ جس کا فیصلہ عمان اور زمبابوے میں ہونے والی ٹورنامنٹس کے بعد ہو گا۔

یاد رہے کہ دنیا بھر میں پھیلی کورونا وبا کے باعث گزشتہ سال ملتوی ہونے والا ٹی 20 ورلڈکپ اب 2022 میں آسٹریلیا میں ہوگا۔

0 Reviews

Write a Review

Read Previous

ناظم جوکھیو قتل کیس: ملزمان کے جسمانی ریمانڈ میں 2 روز کی توسیع

Read Next

بھارت میں انتہا پسند ہندوؤں کا سابق مسلمان وزیر سلمان خورشید کے گھر پر حملہ

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے