• اکتوبر 7, 2022

آئر لینڈ سے ہارنے والی نیپالی ٹیم کے وکٹ کیپر نے دل جیت لیے

نیپال کرکٹ ٹیم کے وکٹ کیپر آصف شیخ نے آئرلینڈ کے کھلاڑی اینڈی مک برائن کو رن آؤٹ  نہ کرکے دل جیت لیے۔

عمان میں جاری  چار ملکی ٹی20 سیریز میں آئرلینڈ نے نیپال کوشکست دے کر میچ جیت لیا لیکن نیپالی وکٹ کیپر نے کپتان کے اشارے  پرآئرش پلیئر کو آوٹ نہ کر کے سپرٹ آف کرکٹ کا مظاہرہ کیا۔

آئرلینڈ  کے خلاف میچ میں نیپال کے بالر کمال سنگھ ایری گیند کرانے کے بعد آئرلینڈ کے بلے باز اینڈی مک برائن سے حادثاتی طور پر ٹکرا گئے۔

بیٹر رن لیتے ہوئے پچ پر گر گئےاور کریز پر نہ پہنچ سکے۔ بالر نے گیند وکٹ کیپر کی طرف اچھال کر رن آوٹ کرنے کا اشارہ کیا لیکن کپتان سندیپ لیمچنے نے انہیں آوٹ نہ کرنے کی ہدایت کی اور وکٹ کیپر آصف شیخ نے رن آؤٹ نہیں کیا۔

کرکٹ کمنٹیٹر اینڈیریو لیونارڈ نے سوشل میڈیا ویب سائٹ ٹوئٹر پر ویڈیو شیئر کرتے ہوئے لکھا  کہ یہ بہت متاثرکن لمحہ تھا جو دنیا بھر میں وائرل ہوگیا ۔

چار ملکی سیریز کا یہ ٹی20 میچ آئرلینڈ نے جیت لیا مگر دنیا بھر میں کرکٹ شائقین کے دل نیپال کرکٹ ٹیم کے وکٹ کیپر آصف شیخ نے جیت لیے۔

0 Reviews

Write a Review

Read Previous

ایلون مسک نے 10 کھرب روپے عطیہ کر دئیے

Read Next

بابر اعظم اور محمد رضوان آج آمنے سامنے ہوں گے

Leave a Reply

آپ کا ای میل ایڈریس شائع نہیں کیا جائے گا۔